Projekti SUPERALFUEL

Titulli i projektit: Sustainability of alternative fuels in the ADRION area.

Akronimi: SUPER ALFUEL.

Kohëzgjatja: 36 Muaj

Partnerët:

1. Qendra Kombëtare për Kërkimin Shkencor “DEMOKRITOS” (Greqi) – Partneri Kryesor
2. ALMA MATER STUDIORUM – UNIVERSITETI I BOLOGNËS (Itali)
3. Instituti Jozef Stefan (Slloveni)
4. Autoriteti i Portit të Piraeus S.A (Greqi)
5. Autoriteti i Portit të Adriatikut Jugor (Itali)
6. Porti i Koperit (Slloveni)
7. Instituti i Transportit (Shqipëri)
8. Porti i Barit JSC (Mali i Zi)
9. Universiteti i Beogradit – Fakulteti i Transportit dhe Trafikut (Serbi)
10. Klusteri i Transportit Intermodal (Kroaci)

Hyrje: Projekti SUPERALFUEL është një iniciativë novatore e financuar në kuadër të programit IPA Adriatik Ionian, që synon promovimin e transportit të qëndrueshëm detar dhe rritjen e lidhjeve intermodale në rajonet e Adriatikut dhe Jonit.

Presioni mjedisor në zonat portuale dhe në zonat urbane pranë porteve është i lartë për shkak të emetimeve nga anijet, makinerive portuale dhe transportit për në zonat portuale. Lëndët djegëse alternative si hidrogjeni, amoniaku dhe metanoli propozohen si lëndë djegëse e pastër për transportin detar në zonat portuale. Objektivi i përgjithshëm i projektit është të mbështesë rritjen e Transportit Detar të Shkurtër (SSS) në rajonin e detit Adriatik-Ionian si menyre e transportit te qëndrueshëm përmes veprimeve të përbashkëta, duke përfshirë promovimin e përdorimit të lëndëve djegëse alternative si: (hidrogjeni, amoniak,metanol) dhe zgjidhjeve miqësore me mjedisin. Kjo do te deshmohet nepermjet qëndrueshmërise se karburanteve alternative në porte, për depozitimi dhe furnizimin me karburant, si dhe për lëvizjen e anijeve.

Qëllimi i Projektit: Qëllimi kryesor i projektit SUPERALFUEL është të promovojë transportin e qëndrueshëm detar në rajonin e Adriatikut dhe Jonit përmes integrimit të lëndëve djegëse alternative, si hidrogjeni, amoniaku dhe metanoli. Ky projekt synon të reduktojë emetimet e gazrave serë dhe të përmirësojë cilësinë e ajrit në zonat portuale, duke kontribuar kështu në një mjedis më të pastër dhe më të sigurte.

Objektivat specifike të projektit:

1. Krijimi i një kuadri ligjor të standardizuar për perdorimin e lëndëve djegëse alternative në zonat portuale.
2. Përmirësimi i protokolleve të sigurisë dhe metodologjive të vlerësimit të rrezikut në lidhje me përdorimin e hidrogjenit, amoniakut dhe metanolit në operacionet detare.
3. Krijimi i bazave ligjore dhe programeve të trajnimit për palët e interesuara të përfshira në zinxhirin alternativ të furnizimit me karburant.
4. Ulja e emetimeve të CO2 dhe përmirësimi i cilësisë së mjedisit në zonat portuale dhe në brendësi të tyre.

Rezultatet e pritshme nga projekti:

1. Rritja e perdorimit të hidrogjenit, amoniakut dhe metanolit si alternativa të qëndrueshme ndaj karburanteve tradicionale detare.
2. Përmirësimi i masave të sigurisë dhe strategjive të menaxhimit të rrezikut për trajtimin dhe përdorimin e lëndëve djegëse alternative në porte.
3. Zhvillimi i materialeve dhe programeve të trajnimit që pajisin palët e interesuara me njohuritë dhe aftësitë e nevojshme për zbatimin e teknologjive alternative të karburantit.
4. Reduktime të ndjeshme të emetimeve të gazeve serrë dhe përmirësim të cilësisë së mjedisit në zonat detare dhe portuale.

Instituti i Transportit do të luajë një rol te rendesishem në projektin SUPERALFUEL, duke kontribuar me ekspertizën dhe burimet e tij për të arritur objektivat e projektit. Me poshte janë përgjegjësitë dhe aktivitetet kryesore të Institutit të Transportit në kuadër të projektit SUPERALFUEL:

1. Përfshirja e Institutit në Paketën e Punës 1(WP1) është një hap kryesor drejt përdorimit  të karburanteve alternative në zonat portuale. Kjo do të ndihmojë në hartimin e raporteve dhe dokumentacionit të nevojshëm, duke u siguruar që të gjitha palët e interesuara të kenë qasje në informacionet më të fundit per karburantet altenative.Instituti i Trasnportit do te marre pjese gjithashtu ne Aktivitetit 1.1, i cili fokusohet në analizën e legjislacionit dhe rregulloreve kombëtare dhe ndërkombëtare në lidhje me karburantet alternative. Kjo përfshin:

• Kryerja e një rishikimi të plotë të ligjeve dhe standardeve ekzistuese që rregullojnë përdorimin e lëndëve djegëse alternative në zonat portuale.
• Përpilimi dhe analizimi i dokumenteve përkatëse për të identifikuar mangësitë dhe fushat për përmirësim në kuadrin ligjor.
• Instituti do te angazhohet të ofrojë asistencë të specializuar në hartimin e raporteve të detajuara, të cilat do të japin rezultatet e analizës së mangësive. Kjo përfshin sigurimin e njohurive të thella dhe rekomandimeve strategjike, të bazuar në një vlerësim të kujdesshëm të rregulloreve dhe standardeve teknike në fushën e lëndëve djegëse alternative.

2. Instituti i Transportit brenda Paketes se Punes 3 (WP3), do të drejtojë ngritjen e një rrjeti ekspertësh të fokusuar në qëndrueshmërinë, sigurinë dhe trajnimin për karburantet alternative në porte. Ky rrjet do të lehtësojë bashkëpunimin ndërmjet aktorëve të ndryshëm dhe do të përmirësojë ne shkembimin e njohurive.

3. Do të zbatojë metodologjinë e vlerësimit të rrezikut në portet shqiptare për të promovuar sigurinë gjatë depozitimit të hidrogjenit/metanolit. Kjo përfshin zhvillimin dhe zbatimin e protokolleve të sigurisë dhe strategjive të menaxhimit të rriskut

4. Instituti gjithashtu do të drejtojë zhvillimin e kuadrit të programit të trajnimit (Aktiviteti 3.1) që synon edukimin e operatorëve portualë dhe palëve të interesuara mbi çështjet mjedisore të sigurisë dhe teknike që lidhen me zbatimin e lëndëve djegëse alternative në transportin detar.

5. Instituti i Trasnportit do të përdorë ekspertizën e tij në studimet e transportit dhe menaxhimin e të dhënave për të mbështetur përpjekjet kërkimore të projektit, duke siguruar që të dhënat përkatëse të mblidhen, analizohen dhe përdoren në mënyrë efikase.

6. Gjithashtu, Instituti i Transportit do të marrë pjesë në të gjitha takimet e projektit, telekonferencat dhe seminaret, duke kontribuar në diskutime, duke shkëmbyer njohuri dhe duke bashkëpunuar me partnerë të tjerë të projektit.

Përfundimi:
Projekti SUPERALFUEL përfaqëson një hap të rëndësishëm drejt arritjes së transportit  të qëndrueshëm detar në rajonet e Adriatikut dhe Jonit. Duke nxitur bashkëpunimin midis aktorëve të ndryshëm dhe duke promovuar përdorimin e karburanteve alternative, projekti synon të krijojë një sistem transporti detar më të pastër, më të sigurt dhe më efikas.